Вучиќ: Граѓаните ќе одлучат дали Рио Тинто ќе добие дозвола за работа
Српскиот претседател Александар Вучиќ денеска изјави дека ќе има референдум за почеток на работата на компанијата Рио Тинто во Србија и дека дозволата за работа на компанијата ќе биде дадена ако граѓаните гласаат за тоа, пишува Бета.рс.
Вучиќ одговорајќи на прашањата на новинарите во Скопје рече „инаку тие луѓе не разбираат зошто некој би се бунел“ против отворањето на рудникот, затоа што „тоа што е објавено“ во медиумите во Србија за работата на таа компанија не е точно.
„Ова не е течна руда, се е измислено и се е политичка пропаганда“, рекол Вучиќ и додал дека „нема проблем со тоа рудникот да не биде отворен ако изгуби на референдумот“.
Тој рекол дека за отворањето на рудникот и почетокот на работата на компанијата Рио Тинто се дадени 11 дозволи во времето на Демократската партија, но дека не добиле главна дозвола за експлоатација и нема да ја добијат додека народот не се изјасни.
„Тогаш ќе заземеме став по тоа прашање. Луѓето мораат да бидат целосно запознаени со тоа што се добива, а што се губи. Кога ќе чујат што се добива верувам дека ќе донесат позитивна одлука, но ќе прифатиме и ако одлуката биде негативна, но некои други луѓе ќе мораат да објаснуваат зошто ќе останат без пари“, рекол Вучиќ.