Српскиот претседател Александар Вучиќ изјави денеска дека Грција го уверува Белград дека нема да ја признае независноста на Косово, но дека развојот на односите меѓу Атина и Приштина  „секако не се најдобра вест“ за Србија.

-Не би сакал однапред да зборувам и пред нешто да дознаеме. Бидејќи имаше некои промени во односите, очекувам да видам дали е во прашање само трговска канцеларија или нешто повеќе меѓу Грција и Косово, како што велат тие за односите на Приштина и Атина. Ќе видиме како ќе оди тоа, па ќе ја известиме јавноста, рече Вучиќ за ТВ Пинк.

По средбата со претставниците на германската компанија „Бизерба“, Вучиќќ рече дека „наредните денови ќе има големи и важни консултации“ во Белград околу Косово и дека потоа очекува продолжување на дијалогот со Приштина во Брисел, со посредство на ЕУ.

Извор: Бета