Претседателот на Србија, Александар Вучиќ ја предложи Ана Брнабиќ за нов мандатар, но и извести за предлозите кои ги дал на денешната седница на Претседателството на СНС.

– Предложив да се воведат уште две министерства. За човечки права, родова еднаквост и социјален дијалог, како и министерство за семејство, деца и демографија. Другата идеја е 50 отсто од членовите на Владата да бидат жени, рече Вучиќ. 

Српскиот претседател истакна и дека Србија се гордее со тоа што е слободна и независна, дека се наоѓа на европскиот пат и дека ќе ги чува своите пријателски односи и со Кина, и со Русија, но и со Западот.

Претседателот на Србија истакна кои предизвици ја чекаат новата Влада, набројувајќи три основни:

– Најголемите предизвици пред нас се притисоците заради Косово и обидот да се присили Србија да го признае таканареченото Косово, а да не добие ништо за возврат. Тука е и здравствената ситуација и како ќе се реагира кога короната ќе биде посилно присутна. Третиот предизвик е како во време на затворени граници да успееме да ја одржиме економијата, рече Вучиќ.

Ана Брнабиќ е мандатар на новата српска Влада (ВИДЕО)