Вучиќ прашува што ќе добијат за возврат ако го признаат Косово

Од Србија сите постојано очекуваат да го признае Косово, но не кажуваат дали земјата ќе добие членство во ЕУ до 2025 година, изјави српскиот претседател Александар Вучиќ на конференцијата „ЕУ и Србија: Заедничка судбина”, што се одржа во Белград.

– Сите очекуваат Србија да го признае Косово и што и се нуди на Србија? Еден ден можеби ќе биде дел од ЕУ. И која е вистинската понуда. Јас прашав: „Ако го решиме тоа, дали ќе бидеме членка”. Ми рекоа: „Прагматична личност сте, гледате какво е времето”- изјави Вучиќ на конференцијата на која учествуваше и поранешниот претседател на Европскиот совет и белгиски премиер Херман ван Ромпуј.

Како што јави дописникот на МИА, Вучиќ оцени дека Србија има уште многу да стори на својот европски пат, но дека секогаш кога станува збор за патот на Белград кон ЕУ, се поставува прашањето за Косово.

Прочитајте и...  Европскиот суд за човекови права пресуди дека на Бошкоски му биле прекршени правата за фер судење

Вучиќ при тоа го праша Ромпуј кога Србија ќе биде членка на ЕУ, доколку Белград и Приштина изнајдат решение, на што белгискиот политичар изјави дека „ЕУ побарала нешто од Северна Македонија, сега треба нешто да и даде, а доколку такво нешто биде побарано од Србија, ЕУ би и должела”.

Осврнувајќи се на односот на меѓународната заедница, Вучиќ наведе дека актуелната шефица на европската дипломатија Федерика Могерини „и ветила на Северна Македонија отворање на пристапни преговори по Преспанскиот договор”, но дека тоа не се случи.

– Ова го велам затоа што сите очекуваат Србија да го признае Косово, а се прашувам што и се нуди на Србија. Дека еден ден ќе биде дел од ЕУ …- изјави Вучиќ, по што го праша Ромпуј, кога Србија ќе влезе во ЕУ? – Што и да ви кажам, не би ми поверувале, одговори Ромпуј.

Прочитајте и...  По примерот на Твитер и Снепчет го прекина објавувањето на видео-пораките на Трамп

Зборувајќи за косовското прашање, Ромпуј истакна дека градењето доверба е клучно за постигнување договор.

– Кога имате доверба, тогаш може да се постигне договор и покрај емоциите- нагласи Ромпуј, изразувајќи уверување дека ЕУ ќе помогне во градењето на таа доверба.

Во тој контекст, Ромпуј потсети дека спорот меѓу Грција и Северна Македонија траеше долго време и дека двете земји конечно дошле до решение преку градењето доверба, изразувајќи при тоа надеж оти ЕУ ќе го награди тоа.

Ромпуј истакна и дека ЕУ е клучот за мирот во Западен Балкан и дека целосен мир ќе се постигне откако земјите од регионот ќе бидат во ЕУ.

Прочитај повеќе

Скопјани ги фати страв од коронавирусот (ВИДЕО)

Во Шпанија нови пет смртни случаи од коронавирус

Слободен печат

Огромните расходи на Франција се мерат во милијарди евра

Слободен печат

Официјалната обдукција потврди: Џорџ Флојд починал од срцев застој, имал многу модринки и исеченици

Слободен печат

Се зачади во косовското собрание: Претседателката ги опомена пратениците да не пушат на седница

Слободен печат

Мицкоски: Има зголемување на број на новоинфицирани, а никој не сноси одговорност

Слободен печат

Остави Коментар

Прочитај повеќе

Бар: Во протестите во САД постои надворешно мешетарење

МИА Агенција

Меркел: Убиството на Џорџ Флојд е многу страшно

Слободен печат

Ставот на републиканскиот сенатор за воена интервенција на протестите објавен во „Њујорк тајмс“ предизвика лавина реакции: Читателите не разликуваат вест од мислење

Слободен печат

Четворица пожарникари со две противпожарни возила гаснат пожар кај Росоман

Слободен печат

Меркел дефинитивно рече збогум: Најмоќната жена во Европа сепак заминува во пензија

Слободен печат

Куомо до демонстрантите: Тестирајте се на коронавирус, тоа е граѓанска должност

Слободен печат