Вучиќ: Парламентарните избори ќе се одржат на 19 или 26 април

Фото: EPA-EFE/ANDREJ CUKIC

Со ова, како што јави дописникот на МИА од Белград, Вучиќ дефинитивно ја отфрли идејата, за која се залагаше еден дел опозицијата и меѓународната заедница, изборите да бидат во првата недела од мај, односно на 3 мај, што е краен законски рок.

Парламентарните и локалните избори во Србија ќе се одржат на 19 или на 26 април, изјави претседателот Александар Вучиќ.

Вучиќ, на крајот од гостувањето во утринската програма на ТВ Прва, кажа дека изборите ќе бидат на крајот на април, прецизирајќи дека ќе бидат на 19 или на 26 април.

Со ова, како што јави дописникот на МИА од Белград, Вучиќ дефинитивно ја отфрли идејата, за која се залагаше еден дел опозицијата и меѓународната заедница, изборите да бидат во првата недела од мај, односно на 3 мај, што е краен законски рок, поради потребата за спроведување на измените на изборните закони договорени во дијалогот што го имаше власта со дел од опозицијата со посредство на Европскиот парламент.

Поголемиот дел од опозицијата, коалицијата на Сојузот за Србија, како и партиите на поранешниот претседател на Србија, Борис Тадиќ – Социјалдемократската партија (СДП) и Нова странка (НС) на поранешниот премиер Зоран Живковиќ најавија бојкот на изборите.

Во Србија во тек е и дебатата за намалување на изборниот цензус од пет на три проценти, што е иницијатива на српскиот претседател.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот