Вучиќ од Париз: Мислам дека конечно паднаа сите маски!

„Ќе му порачам на народот на не се секира, добар дел од хулиганите ќе биде уапсен, ќе мора да одговараат за своите злодела и во тоа нема никаков сомнеж. Мислам дека конечно паднаа сите маски, можете да го замајувате некого секој ден, но потоа го гледаме вистинското лице. Кога дојде до меѓусебна пресметка тој кој забоде некого и побегна кај полицијата и побара помош, тоа се сите оние кои напаѓаа полицајци. Тие се уапсени и пружена им е медицинска помош“, рече српскиот претседател Александар Вучиќ од Париз.

– Полицијата се тргна веќе три дена, дочекаа можност, ја урнаа оградата, фрлаат камења, факели, а полицијата едвај и да стои до влезот во Собранието, реагираа дури кога дојдоа до вратата, вели Вучиќ.

Прочитајте и...  Во Албанија и денеска високи бројки на новозаразени со Ковид-19

Коментирајќи ги протестите, тој изјави дека станува збор за „чист тероризам”.

Според него, 95 отсто од народот е против немири на улиците.

– Никој нормален не го прифаќа тоа. Видовте некои поранешни пратеници кои грабаат од народот. Нема никој да дојде на власт со насилство, туку само на избори. Ги молам луѓето да не излегуваат на протести, за да не завршат в болница, нагласи српскиот претседател.

Вучиќ вечерва ги пофали полицајците, војската, но и министерот за внатрешни работи Небојша Стефановиќ. Тој изрази надеж дека ќе „победи пристојна и модерна Србија”.

– Вечерва ги пуштивме на еден метар од влезот на Парламентот. Тогаш почнаа апсењата, изјави шефот на српската држава.

Вучиќ се осврна и на ситуацијата со коронавирусот.

Прочитајте и...  Традицијата во чест на „Св. Пантелејмон" и годинава продолжува на Голак

– Денешниот биланс е резултат од пред пет дена. Како дојдовме до тоа? Со чија неодговорност? Оние кои ги бојкотираа изборите ги повикуваа вечерва луѓето да го затворат автопатот кај Нови Сад, тоа е чист тероризам. Немојте да го загрозувате здравјето на луѓето, секоја вечер организирано да заразувате одреден број луѓе. Државата не дозволи одржување на овие протести, истакна Вучиќ.

Во Белград и вечерва се одржаа протести, кои преминаа во насилни, и покрај апелите да не се ризикува натамошно зголемување на заразени со коронавирус, но и покрај епидемиолошките мерки, вклучувајќи забрана за собири на повеќе од десет лица на отворено.

 

Прочитај повеќе

Во Херцег Нови дури 92 проценти помалку туристи од минатата година

Слободен печат

Мета: Време е албанските граѓани да станат господари на својата земја

Слободен печат

Граничната полиција на БиХ спречи 183 мигранти да ја преминат границата

Слободен печат

Во Албанија и денеска високи бројки на новозаразени со Ковид-19

Слободен печат

Повеќе од 30 мигранти спасени во каналот Ла Манш

Слободен печат

Традицијата во чест на „Св. Пантелејмон” и годинава продолжува на Голак

Слободен печат

Остави Коментар

Прочитај повеќе

ПОЖАР ВО СТАНБЕНА ЗГРАДА ВО ЧЕШКА: Најмалку 10 мртви (ВИДЕО)

Слободен печат

Дневен преглед на состојбата со Ковид-19 во светот, досега починале 726.415 лица

Слободен печат

Либанскиот премиер повика на предвремени избори

Слободен печат

Српската дијаспора на протести ширум светот (ВИДЕО)

Слободен печат

Макрон: САД треба да реинвестираат во Либан

Слободен печат

Демонстрантите во Бејрут обесија картонски ликови на премиерот и членовите на владата (ВИДЕО)

Слободен печат