Претседателот на Србија, Александар Вучиќ денеска се наоѓа во посета на Брисел каде се состанува со претставниците на Европската Унија.

„Имавме многу важен разговор. Една од суштинските работи во нашата политика мора да биде за забрзување на европските интеграции, за што и денеска разговарав со претставниците на ЕУ“, изјави тој.

Тој најави продолжување на дијалогот и забрзување на европските интеграции на Србија, како и дека очекува Србија до 2026 година да биде членка на ЕУ.

„Уверен сум дека со оптимизам влегуваме во нова фаза со односите со ЕУ. Верувам дека до крајот на мандатот на новата влада ќе ги завршиме преговорите со ЕУ, што значи дека би било реално до 2026 година да станеме држава членка на ЕУ. Тоа е мое мислење, мое надевање“, рече Вучиќ.

Српскиот претседател рече дека претседателката на Европската комисија Урсула фон дер Лаен била многу подготвена и дека и е благодарен за вниманието кое го посветила на Србија.