Претседателот на Србија, Александар Вучиќ, денеска рекол дека очекува Србија во последниот квартал да има пораст на Бруто домашниот производ (БДП) за 5,4 отсто и дека ќе биде прва по стапката на економски раст во Европа, пренесува Блиц.рс.

– Тоа значи дека брзо напредуваме и дека луѓето тоа ќе го почувствуваат во своите паричници – рекол Вучиќ и додал дека во третиот квартал од годината по економскиот раст во Европа само Унгарија е пред Србија.

Тој по отворањето на Белградскиот парк, Булевар Вудро Вилсон и улицата Николај Кавцов, во рамките на комплексот „Белград на вода“, укажал на напредокот на домашната градежна индустрија.

– Градежната индустрија, заедно со преработувачката, се тие кои го зголемуваат растот, а Србија е втора во Европа по висината на растот на БДП во третиот квартал годинава – додал Вучиќ.