Српскиот претседател Александар Вучиќ ја пофали Македонија за чесно спроведување на тестирањето за откривање на корона вирусот.

Зборувајќи за бројот на тестови што ги спроведе Србија, Вучиќ истакна дека само четири земји во Европа (Германија, Австрија, Швајцарија и Италија) тестирале повеќе жители пропорционално на бројот на населението, најгласувајќи дека Србија тестирала повеќе граѓани отколку сите земји во регионот.

Како што истакна, во Црна Гора до сега биле направени 18.000 тестови и тоа сите брзи тестови, бидејќи тие немалел лаборатории за ПЦР тестови, пренесува „Блиц“.

„Северна Македонија чесно тестираше 64.000, БиХ 97.000, Хрватска 82.000. Србија 428.000. Бугарија, која е со иста големина и е членка на ЕУ 147.000, Унгарија која е поголема од Србија имаше 281.000 тестови“, вели Вучиќ.

Тој нагласи дека тестовите заедно со лабораториската работа ја чинеле до сега Србија околу 50 милиони евра.

„Имаме уште 300.000 тестови, тоа се уште 30 милиони евра“, истакна Вучиќ додавајќи дека во Хрватска тестот чини повеќе од 200 евра, а во Србија 50 евра.