Вучиќ дециден: Каква и да биде состојбата во Србија нема затворање на границата кон Српска и БиХ
Србија нема намера да ги затвори границите кон Босна и Херцеговина и Република Српска, без оглед каква и да биде епидемиолошката состојба, изјави денеска српскиот претседател Александар Вучиќ.
Тој, на новинарско прашање децидно одговори дека такво нешто нема да се случи.
-Ќа дадеме се од себе секогаш и во секој момент ако треба да му помогнеме на нашиот народ западно од Дрина, почитувајќи ги сите мерки, рече Вучиќ и додаде дека е горд на односот меѓу Србија и Република Српска, меѓу српските граѓани од двете страни на Дрина, и нагласи дека така и ќе продолжи.
-Нема да има никакво затворање на границата кон РС. Доколку можеме да помогнеме на било кој начин и во текот на пандемијата, и на секој начин, ние тоа ќе го правиме и во иднина, заклучи српскиот претседател.