Втора победа во низа за Леклер
Возачот на Ферари, Шарл Леклер триумфира на трката за Големата награда на Италија која се возеше на легендарната патека Монца.
Младиот возач со триумфот конечно го прекина деветгодишниот постот на Ферари на Монца,м а тој стигна до втората едноподруго победа откако славеше и на патека во Спа.
? @Charles_Leclerc #F1 #ItalianGP ?? pic.twitter.com/HJgsBx8V12
— Formula 1 (@F1) September 8, 2019
Второто место му припадна на возачот на Мерцедес, Валтери Ботас, а третата позиција ја освои лидерот во генералниот пласман, Луис Хамилтон, исто така од Мерцедес
За да дојде до втората победа во кариерата во Формула 1 шампионатот, Леклер мораше добро да се намачи бидејќи во текот на целата трка беше под притисок од двоецот на Мерцедес. Хамилтон имаше обиде да го помине Леклер но младиот возач одлично го затвори просторот и го избутка возачот на Мерцедес, надвор од патеката.
За тој потез, Шарл Леклер доби само опомена и до крајот не дозволи нов напад од конкурентите. Затоа пак, Хамилтон на 10-тина кругови до крајот направи грешка и му дозволи да клупскиот колега Ботас да го претекне.
Cue the celebrations!@Charles_Leclerc ❤️ @ScuderiaFerrari #F1 #ItalianGP ?? pic.twitter.com/LfEeM5Gl7G
— Formula 1 (@F1) September 8, 2019
Бодови освоија уште и Даниел Рикиардио (Рено), Нико Хулкенберг (Рено), Александер Албон (Ред Бул), Серхио Перез (Рејсинг поинт). Макс Ферстапен кој стартуваше како последен, на крајот дојде до осмото место, додека пласманот меѓу најдобрите 10 визачи го комплетираа Антонио Џовинаци (Алфа Ромео) и Ландо Норис (Мекларен).
Во Генералниот пласман лидер е Хамилтон со 284 бода, Ботас има 221, Себастијан Фетел кој не ја заврши трката има 185 бодовим, само три повеќе од победникот , Леклер. Следната трка во Ф1 ќе се вози на 22 септември во Сингапур.