Оливер Марлоу, главен готвач и сопственик на ресторанот „Ганимед“ во Лондон, ги сподели своите најдобри кулинарски совети, а професионалецот откри и еден трик за совршена смеса за палачинки.

Оливер препорачува смесата за палачинките да ја направите еден ден однапред и да ја оставите во фрижидер преку ноќ, пишува „Мирор“.

„Одморањето на смесата е најважниот чекор кон вкусните палачинки. Оваа постапка му овозможува на глутенот да се одмори. Она што се случува во текот на ноќта е дека сиот глутен кој сте го измешале во смесата за палачинки се опушта. Смесата на тој начин се зголемува и станува воздушеста“, објаснил готвачот.

Оливер навел дека ова овозможува сите грутки да исчезнат. Исто така, нема премногу да ја мешате смесата, а палачинките полесно ќе нараснат кога ќе почнете да ги печете, односно пржите.

 

View this post on Instagram

 

A post shared by Oliver Marlowe (@ollymarlowe)

Готвачот додава и дека тоа што не ја оставаме смесата за палачинки да отстои, често е главната причина зошто првата палачинка е лоша и треба да ја фрлиме.

Уште еден совет на познатиот готвач за одлични палачинки е да користите млеко и јајца кои се на собна температура, наместо да ги земате директно од фрижидер.