Врховен суд: Судиите секогаш се изземаат во постапки во кои постојат причини за тоа

Судиите на Врховниот суд на Република Северна Македонија согласно со Уставот се самостојни и независни во своето одлучување и при вршење на задачите од својата надлежност, пред се, оценуваат дали има законски пречки да постапуваат во конкретен предмет, притоа раководејќи се од законски предвидените основи за изземање, вклучително и субјективниот тест, односно дали судијата смета дека постојат околности кои предизвикуваат сомневање во неговата непристрасност.

Тоа го соопшти денеска Врховниот суд, вчерашното известување од Државната комисија за спречување на корупцијата дека засегнатите судии од разрешување треба да се изземат од постапката.

Во соопштението Врховниот суд навеудва дека постапува согласно со уставните и законските надлежности, применувајќи ги притоа Уставот, законите, меѓународните ратификувани договори, како и праксата на Европскиот суд за човекови права во Стразбур.

– Во досегашната пракса судиите кои постапуваат по конкретни предмети, секогаш се изземале во постапки во кои постоеле причини за изземање, вклучително и во постапки по предмети за кои се одлучувало на Општа седница, при што не подлегнуваат на било какви надворешни притисоци, се вели во соопштението објавено на веб страницата на Врховниот суд.

Од Врховниот суд, посочуваат дека во текот на минатата година биле донесени вкупно 150 решенија за изземање на судии, од кои 146 врз основа на барање на судија. Таквата пракса, се вели во соопштението, ќе продолжи и во иднина, независно од надворешни влијанија, затоа што судиите се самостојни и независни во носењето на судски одлуки.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот