Времето денеска ќе биде сончево со мала до умерена локална облачност, а во наредните денови ни претстои променливо облачно време со услови за слаб локален дожд.

Од УХМР информираат дека денеска зголемена облачност ќе има во западните делови на земјава, каде воедно ќе има и услови за појава на краткотраен дожд, особено во планинските региони.

Максималната температура ќе биде во интервл од 22 до 30 степени. Во Скопје денот ќе биде сончев со мала до умерена облачност, а темпертурата ќе достигне до 27 степени.

Во деновите од викендот времето ќе биде променливо облачно со услови за слаб локален дожд, а веќе од понеделник ќе преовладува стабилно, сончево и потопло време.

Извор: МИА