ВРЕМЕНСКА ПРОГНОЗА: Облачно, студено и со врнежи од снег

Снег на пат / Фото: РСБСП

Денес времето во Македонија ќе биде облачно и студено со повремени врнежи од снег. Понтензивни врнежи ќе има во западните предели каде насекаде ќе се формира снежна покривка, а на планините истата ќе се зголемува. Мала снежна покривка ќе се формира и во останатите места низ државава, освен во долниот тек на повардарието. Ќе дува умерен, повремено засилен ветер од северен правец, најизразен долж повардарието. Температурите ќе се искачуваат во интервалот од -4 до 4 степени, вели временската прогноза на Славчо Попоски за Утрински брифинг.

временска прогноза, славчо попоски
Временска прогноза на Славчо Попоски / Утрински брифинг

Во Скопје и околината времето ќе биде облачно и студено со повремени врнежи од снег, каде се очекува формирање на помала снежна покривка. Ќе дува умерен до засилен ветер од северен правец. Максималната температура ќе се искачи до околу 2 степени.

Потоа во следните денови времето ќе биде променливо облачно и МНОГУ СТУДЕНО со сончеви периоди. Повремено ќе има услови за слаб локален снег, а ќе дува и умерен, повремено засилен ветер од северен и од северозападен правец, најизразен долж повардарието. Наутро температурите ќе бидат МНОГУ НИСКИ и понекаде ќе се спуштаат под -15 степени, додека максималните ќе се искачуваат во интервалот од -5 до 3 степени.

Видео на денот