Времето денеска ќе биде умерено до значително облачно. Претежно во југозападните делови ќе има повремен локален слаб дожд. Ќе дува слаб до умерен ветер од југоисточен правец, кој наместа долж Повардарието повремено ќе засилува.

Во Скопје, претежно облачно со слаб до умерен ветер од југоисточен правец.

Во деновите од викендот времето ќе биде променливо облачно со сончеви периоди и локална појава на краткотраен дожд.

Во почетокот на новата работна седмица ќе преовладува претежно облачно и постудено време со повремени врнежи, на планините и на повисоките места од снег, а во некои од пониските места со врнежи од дожд и снег. Ќе дува умерен ветер од северен правец.