Владејачката „Вреди“ реагира дека ДУИ, партијата која 20 години се однесувала како приватна фирма, изгледа почнала да ги напаѓа сите освен „идеолошкиот близнак Левица“, од страв дека народот конечно ја сфатил нејзината игра.

„Изјавите на ДУИ се претворија во бледи дневни написи за партија која некогаш имала идеи, а денес има само криминал. Со 1% морал стануваш 100% корумпиран. ДУИ не треба да зборува за поддршка од народот кога самата преку уцени, корупција и заплашување создаваше илузија на моќ. Локалните избори ќе бидат крајот на ова раководство на ДУИ. Со 1% транспарентност, стануваш 100% мафија! ДУИ зборува за судовите? Но, кој ги направи судиите партиски слуги? Нивните министри заедно со Сашо Мијалков беа во комисијата за именување судии. Кој ги измислуваше тендерите? Кој ја зароби државата одполитичари со дебели банкарски сметки во Дубаи и Монако? Со 1% срам стануваш 100% авторитарен“, велат од „Вреди“.

Дали ДУИ тврди дека го брани Охридскиот договор? Нели тие ја политизираа администрацијата, вработуваа партиски војници, а квалификувани луѓе останаа без работа и принудени да емигрираат – прашуваат од Вреди.

„Со 1% вистина стануваш 100% манипулативен! ДУИ зборува за „официјален статус на албанскиот јазик“? Тие самите го прифатија како јазик што го зборуваат имагинарен процент на луѓе. ДУИ го користи албанскиот јазик само за пропаганда, додека наставниците работат без средства, учениците немаат книги, а младите масовно ја напуштаат државата. Со 1% демократија стануваш 100% диктатор! ДУИ зборува за “вредности“, додека народот гледа како градат казина, уништуваат чесни бизниси и ја претвораат државата во оаза на криминалот. Додека патуваат со луксузни автомобили, луѓето бројат денари за да преживеат. Со 1% визија, стануваш 100% некомпетентен“, реагираат од владејачката „Вреди“.