Враќањето на Пеп во Барселона би било идеално
Жозеп Марија Бартомеу, претседателот на Барселона, изјави дека вратите за Пеп Гвардиола се секогаш отворени. Гвардиола ја предводеше Барселона од 2008 до 2012 година и за тоа време освои дури 14 трофеи, од кои три титули во шпанската Ла Лига и две во Лигата на шампионите.
– Нормално дека Гвардиола секогаш ќе биде еден од главните кандидати за тренер на Барселона. Секогаш кога тоа место ќе биде празно, Гвардиола е во мислите. Сепак, се сомневам дека Пеп би се вратил повторно на клупата на Барселона. Но, можеби на друга позиција, како на пример директор на фудбалската академија. Имаме идентична филозофија. Неговото враќање во клубот би било идеално – вели Бартомеу.
По заминувањето од Барселона, Пеп Гвардиола три години го предводеше Баерн Минхен, а од 2016 година е на чело на Манчестер сити.