Наследникот на италијанскиот престол го објави „враќањето на кралското семејство“ на Твитер, повеќе од седум децениим, откако неговиот дедо беше соборен од тронот на крајот на Втората светска војна.

Емануле Филиберто од Савои, кој заедно со остатокот од семејството беше протеран од земјата до 2002 година, го објави видеото во четвртокот.

– Водено од силно чувство на одговорност, кралското семејство е посветено на одбраната на граѓаните (за да им овозможи) да погледнат кон иднината со повторен оптимизам – рече тој во она што подоцна беше потврдено дека е реклама за претстојната телевизиска серија.

Sta arrivando il momento. È per me un dovere, ma anche un grande onore, annunciarvi l’imminente ritorno della Famiglia Reale. #emanuelefiliberto #irealistannotornando #adv pic.twitter.com/O0J3U6IqsN

— Emanuele Filiberto (@efsavoia) November 14, 2019

Емануле Филиберто (47), кој е во брак со француската актерка Клотилд Куро, е ѕвезда на реално шоу и долго време „флертуваше“ со политиката.

Во 2009 година, тој неуспешно се кандидираше за Европскиот парламент со италијанската католичка партија на десниот центар.

Во септември, тој во телевизиско интервју рече дека би можел повторно да се кандидира во иднина, велејќи дека „на крајот на краиштата, Италија е полна со министри без (прифатлива) биографија“.

Емануеле Филиберто изјави дека е време Италијанците да се вратат на својата стара елеганција и раскош.

Кралскиот принц објави твит порано во четвртокот за да го промовира интервјуто објавено подоцна истата вечер: „Во комплексни времиња, на земјата и треба стабилен водач за да им даде вера на луѓето и да биде пример. Сакам да разговарам со земјата за ова и повеќе“.

Во петокот вечерта Емануеле Филиберто потврди дека станува збор за реклама за серија.

– Чест ми е што сум портпарол zа враќањето на кралското семејство. И што успеав удобно да ја гледам новата одлична сезона од мојот кауч, напиша тој.

Иако наводно станувало збор за реклама за семејната серија, многумина сметале дека претстолонаследникот има посериозни планови, со оглед на неговата политичка позадина.

– Тој можеби ќе побара референдум?“, Прашуваат некои твитерџии, додека други велат „дека е време“, мислејќи дека навистина планира повторно да ја претвори Италија во кралство.