Вработените во Германија трошат просечно 17 отсто од своето работно време работејќи од дома, но овој процент значително варира во различни сектори, се вели во извештајот објавен од Институтот за економски истражувања ИФО од Минхен.
Работата од дома е особено распространета во ИТ секторот, каде работниците работат од дома во просек 58 отсто од своето работно време, додека во градежништвото и угостителството овој процент изнесува само два отсто.

Обемот на работа дома во Германија во никој случај не се намалува, не е променет во однос на претходната година“, коментира истражувачот на ИФО, Жан-Виктор Алипур.

Работата од дома е особено честа појава во големите компании каде вработените во просек поминуваат 20 отсто од своето работно време дома, а во малите и средни претпријатија овој процент е само 15 отсто. Уделот на германските вработени кои работат од дома во моментов е 23,4 отсто.

Резултатите се засноваат на истражување спроведено на примерок од приближно 9.000 компании во Германија, според веб-страницата IFO.