Фејсбук ќе им овозможи на своите вработени да работат од дома до крајот на годината доколку се во можност тоа да го прават се вели во соопштението на компанијата.

Странските агенции пренесуваат дека одлуката е донесена во време кога пандемијата на коронавирус ги принудува владите да продолжат со мерките за седење дома за да го контролираат ширењето на болеста.

Компанијата очекува повеќето нејзини канцеларии да останат затворени до 6 јули, изјави нејзиниот портпарол.

Вирусот, кој досега зарази повеќе од 3,8 милиони луѓе ширум светот, наложи воведување сериозни блокади во повеќето земји и го смени начинот на функционирање, а работењето од дома сега се појавува како нова норма.