ВОЗНЕМИРУВАЧКО ВИДЕО: Велосипедист на трка во Италија усмрти човек
Невидена трагедија во велосипедизмот, на трката „Трофео Кастелфидардо“ во Италија, спортскиот директор на тимот Вирис Вигевано, Стефано Мартолини (41) загина како последица од судар со велосипедист.
Мартолини го гледаше финишот од страната на патот. Во еден момент еден од велосипедистите Никола Венкјарути изгубил контрола над велосипедот и налетал на Мартолини.
Паднал и со главата удрил во тротоарот. Тој починал како последица на повредите и покрај итната медицинска помош.
Венкјарути, 23-годишен велосипедист, исто така беше тешко повреден кога удри со главата во ѕидот околу патеката. Тој со хеликоптер бил префрлен во болница.
Според информациите од ударот Мартолини удрил во земја и според лекарите кои пристигнале на местото на настанот смртта настапила речиси веднаш. Венкјарути е тешко повреден со два скршени задни пршлени.