ВОЗНЕМИРУВАЧКО ВИДЕО: Тракторист намерно гази хаска
Видео во кое се гледа како тракторист намерно гази куче од расата хаска, а тоа очајно цвили од болка под тркалата на тракторот ја вознемири јавноста. Монструозниот чин се случил во босанската населба Расљева кај Грачаница во Босна и Херцеговина.
Кучето за среќа преживеало и било згрижено на ветеринарната станица во Грачаница. Против сторителот ќе биде поднесена кривична пријава.
-За среќа, кучето е живо. Ние ќе го известиме обвинителството и ќе биде поднесена пријава против сторителот, изјавиле за Кликс од Министерството за внатрешни работи на Грачаница.
Активистите од здружението „Соништа“ и нивната брза реакција се најодговорни за ваквиот среќен епилог на грозоморната постапка.
– Ќе дознаеме повеќе за здравствената состојба на кучето и сериозноста на повредите по прегледите и рендгенските снимки. Би сакале да му се заблагодариме на Министерството за внатрешни работи на Грачаница, а посебна благодарност му должиме на ветеринарот Нерман Авдиќ од ЈП Ветеринарна станица Грачаница, кој престојуваше со кучето во текот на ноќта, велат од здружението „Соништа“, пренесува Кликс.