Поранешниот шампион во УФЦ, Мајкл Биспинг среде емисија ги шокира фановите и го извади вештачкото око. Биспинг кој има својата емисија на јутјуб „Believe you me“, призна дека со години ја мамел лекарската комисија која му дозволувала да се бори.

– Носењето очила за сонце во затворени простории го сметам за глупост. Но јас имам вештачко око и настојувам да ги одвратам луѓето да гледаат во него. Поради тоа носев очила за сонце, но и да успеам да ја „измамам“ лекарската комисија. Носев очила за да се сокријам од комисијата. Но, погледнете го ова луѓе – рече Биспинг и го извади вештачкото око.

Michael Bisping is a legend. pic.twitter.com/fg1TG4SwnO

— Borrachinha Depot (@FullContactMTWF) October 3, 2019

Повредата на окото, Биспинг ја заработи во 2013 година во борбата против Витор Белфорд кога доби незгоден удар во окото по што подоцна заболе од страбизам. Тоа е пореметување во кое очите не стојат паралелно, туку едното око оди на страна.
Поради оваа болест, ниту Биспинг ниту било кој борец не би смеел да тренира, а не да влезе во октагон, но, Биспинг не сакаше да се откаже од ММА борбите и по цена да го влоши сопственото здравје.