Група девојчиња се осомничени дека со часови држеле во заробеништво и мачеле 13-годишно девојче, а ужасното насилство го снимале со телефон. Групата од дури десет девојчиња истурала сок врз главата на жртвата, ја тресела со пепел од цигари и ѝ ја запалила косата. Кога девојчето се обидело да стане, една од насилните врснички му рекла: „Седи тука и моли ме!“.

Случајот доаѓа само една недела по потресната смрт на 12-годишната Луиза, која беше пронајдено мртва, а за убиството се обвинети две нејзини врснички, со кои се познавала. Тие признаа дека го намамиле девојчето во шума и дека дури 32 пати го изболе со нож бидејќи „се скарале“.

На вознемирувачката снимка од последниот инцидент која ја објавија медиумите, се гледа како жртвата плаче и ги моли соученичките да не ја удираат по носот, но тие не престануваат. Предупредуваме дека видеото е вознемирувачко и дека може да предизвика трауми кај дел од читателите.

The 12-year-old white girl who was MURDERED in Germany was stabbed 32 times after being bullied, humiliated and having her coat and warm clothes removed from her. This is a multi-racial gang that contains several migrant girls. pic.twitter.com/jTVq9rqKvR

— Aries ♈ (@thelordofbrum) March 22, 2023

Германските медиуми пишуваат дека ова се случило на крајот на февруари, но мајката на девојчето дури сега решила да зборува, со цел да ја предупреди јавноста за сѐ поголемиот проблем со насилството меѓу децата. Мајката на жртвата вели дека мачењето било прекинато благодарение на храбрата интервенција на случаен минувач.

„Тој ја препознал опасноста во која е ќерка ми, ја примил кога таа побарала помош од него. Многу сме му благодарни”, вели мајката.

Според обвинителката, како и во случајот со малата Луиза, сторителите на ова дело нема да бидат кривично гонети, бидејќи се на возраст под минималната за кривична одговорност во Германија – 14 години.