8 C
Скопје

ВОЗНЕМИРУВАЧКО ФОТО: Отстранет тумор тежок пет килограми од матката на пациентка во струшката болница

Струшката болница работи со полн капацитет. Сите оддели се достапни за пациентите, редовно се вршат прегледи и интервенции, информира директорот Мухамед Асани.

Пред неколку дена, додаде тој, на одделението за Гинекологија и акушерство била изведена интервенција со која бил отстранет тумор од матка кај 45-годишна пациентка.

– Кај 45-годишна пациентка отстранет е околу пет килограми тумор од матката. Пациентката е во добра здравствена состојба и пуштена е на домашно лекување. Сакаме да упатиме еден апел жените редовно да прават контроли кај своите гинеколози за да не дојде до вакви случаи, изјави Асани.

Пред неколку дена и на клиниката за гинекологија и акушерство во Скопје, на 45-годишна жена и беше извадена циста од 90 килограми, што е воедно и најголемата циста извадена во Македонија, но и во Европа.

ВОЗНЕМИРУВАЧКО ФОТО: Успешно оперирана циста на матка тешка 90 килограми – хирурзите од ГАК и го спасија животот на 45-годишна жена

Во однос на справување со пандемијата од ковид-19, директорот на Болницата посочи дека во моментот имаат доволно слободни кревети. Позитивните пациенти се хоспитализираат на посебен дел во Интерното одделение, каде првично беа адаптирани 10 кревети, но како што се зголемува бројката се прават услови за сите да бидат згрижени.

Прочитајте и...  Се стабилизира епидемијата со ковид-19 во земјата: Преполовен бројот на хоспитализирани, вакцините од Србија ќе дојдат со интервентен увоз

– Со растот на бројките на ниво на држава и ние имаме пораст, но хоспитализирани имаме 10 до 15 пациенти, кои се потврдени позитивни на Ковид 19. Во болницата се вршат сите редовни прегледи, ако е потребна хоспитализација ги хоспитализираат, а потешките случаи се транспортираат на Инфективната клиника во Скопје, нагласи Асани.

Потсети дека ја чекаат монтажната болница која беше најавена од Министерството за здравство, но доколку не ја добијат има план за преадаптација на други простории за пациентите со коронавирус.

– Да не се шири страв кај граѓаните на Општина Струга. Ние функционираме според потребите и секојдневните побарувања од пациентите, подвлече директорот на Болницата Асани.

Поврзани вести

ВИДЕО: Фаучи се врати и опиша како беше да се работи под Трамп, а која е разликата сега

Слободен печат

Денеска се регистрирани 307 нови случаи на ковид-19, починати се 14 лица

Слободен печат

Кикиљас: Не загрижуваат мутациите на коронавирусот

Слободен печат

Академик Беџети за концепцијата за основно образование: Дури и најдолгите патишта почнуваат со првите чекори

Слободен печат

Сенатот во понеделник ќе започне судење за отповикување на Трамп

Слободен печат

Османи: Процесот на проширување на ЕУ нема алтернатива

Слободен печат

Остави Коментар