Полицијата денеска (4 јуни) од 15 до 21 часот на тетовско-гостиварското подрачје спроведе уште една акциска контрола за брзина со која се движат возилата, посебно на автопатот Гостивар-Тетово-Скопје. При контролата се откриени и санкционирани вкупно 94 пречекорувања на максимално дозволената брзина надвор од населено место.

– Осум од нив биле за возење со над 70 километри на час повеќе од максималната брзина, меѓу кои двајца возачи на автопатот Скопје-Тетово се движеле со 214 и 227 километри на час. Дваесет и едно возило пречекорило од 50 до 70 километри на час итн. При контролата санкционирано е едно пречекорување на пропишаната брзина во населено место и 8 други видови сообраќајни прекршоци. На сите возачи-прекршители изготвени им се соодветни поднесоци и ќе се соочат со предвидените парични глоби, а некои и со времено одземање на возачките дозволи од три месеци до една година – соопшти полицијата.