Воведен е 24-часовен мониторинг систем на движењето на службените возила на Општина Гази Баба
Со цел рационално искористување на општинските ресурси воведен е мониторинг систем на движењето на службените возила, информираат од Општина Гази Баба.
-Воведен е 24 часовен мониторинг систем на движењето на службените возила на општина Гази Баба. Со цел рационално искористување на општинските ресурси воведен е мониторинг систем на движењето на службените возила. Овој систем произлезе како барање на граѓаните кои во минатото биле сведоци на злоупотреба на службените возила.
Нема веќе користење на службените возила за приватни цели. На крајот од работниот ден сите службени возила се оставаат на паркингот пред општината.
Градоначалникот и општинската администрација се во општината за да им служат на граѓаните, а не да вршат злоупотреба на ресурсите – дециден е градоначалникот на Општина Гази Баба Бобан Стефковски.