ВООРУЖЕН ГРАБЕЖ: Ограбена филијала на Тутунска банка во Бутел – Слободен печат
Хроника

ВООРУЖЕН ГРАБЕЖ: Ограбена филијала на Тутунска банка во Бутел

Во МВР настанот е пријавен во 10.30 часот и како што појаснуваат, при разбојништвото имало пукање од огнено оружје, но нема повредени.

Вооружени лица утрово извршиле разбојништво во НЛБ Тутунска Банка во Бутел, при што е одземена засега непозната сума пари.

Во МВР настанот е пријавен во 10.30 часот и како што појаснуваат, при разбојништвото имало пукање од огнено оружје, но нема повредени.

Од страна на разбојниците физички е повреден Е.Е. (26), вработен како обезбедување во банката. Според информациите од МВР при текот на грабежот имало пукање од огнено оружје, но нема ранети. Полицијата веднаш по пријавувањето на разбојништвото стигнале на местото на настанот и во тек е расчистување на случајот. Сè уште нема детали за тоа колку пари се украдени од банката.

Во соопштението од НЛБ банка е наведено дека работат заедно со надлежните на расчистување на случајот, како и на утврдување на висината од направената штета. Во него е наведено дека клиентите кои се затекнати во експозитурата и вработените се безбедни и во добра состојба.

„Средствата на нашите клиенти се сигурни, бидејќи Банката има осигурување на целиот свој имот и средства,“ истакнуваат во соопштението.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close