Лук Волтон, Лос Анџелес го замени со Сакраменто - Слободен печат
КошаркаСпорт

Лук Волтон, Лос Анџелес го замени со Сакраменто

Лук Волтон не беше без работа ниту една недела по отказот од ЛА Лејкерс, а веќе денеска си најде нова работа. Сакраменто кингс објави дека Волтон е нов тренер на „кралевите“ и доаѓа на местото на Дејв Јегер. Тој потпиша четиригодишен договор со тимот од главниот град на Калифорнија.

– Го познавам Лук многу години, едно време бевме соиграчи и многу сум возбуден што можам да му посакам добредојде во нашето семејство. Се радувам на заедничката работа во изградба на победнички менталитет на Сакраменто во  годините кои се пред нас – изјави генералниот менаџер на Сакраменто, Владе Дивац.

Лук Волтон за три години додека беше главен тренер на ЛА лејкерс имаше скор од 98 победи и дури 148 порази но ниту еднаш не успеа да избори пласман во плејофот иако сезонава во тимот го имаше и најдобриот кошаркар на денешницата, Леброн Џејмс.

Најдобиот момент во тренерската кариера Волтон го имаше во сезоната 2015/16 кога менувајќи го болниот Стив Кер на клупата на Голден стејт оствари неверојатни 24 победи во исто толку натпревари.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close