Aмериканската актерка и продуцентка Џесика Честејн вчера го посети Киев, каде што се сретна и со украинскиот претседател Володимир Зеленски.

„Американската актерка Џесика Честејн дојде денеска во Украина. За нас ваквите гостувања на познати личности се исклучително вредни. Благодарение на ова светот уште повеќе ќе ја слушне, знае и разбере вистината за она што се случува во нашата земја. Ви благодариме за вашата поддршка!“, напиша Зеленски во објава на својот официјален инстаграм-профил.

 

View this post on Instagram

 

A post shared by Володимир Зеленський (@zelenskiy_official)

Честејн ја посети и детската болница во Охматдит, според украинскиот јавен сервис „Суспилн њуз“.

Тој позираше за „Вог“ со сопругата

Неодамна, заедно со сопругата Олена, Зеленски позираше за споменатиот магазин, поради што многумина ги критикуваа на социјалните мрежи. Во интервјуто тие зборуваа за себе, својот брак и војната во Украина. Фотографиите исто така предизвикаа многу коментари.

 

View this post on Instagram

 

A post shared by Vogue (@voguemagazine)

„Зарем не треба да ѝ помагате на вашата земја, наместо да се фотографирате за Вог?“, „Нивниот народ умира, а тие се фотографираат“, коментираа незадоволните од ваквата медиумска експонираност на украинскиот претседател и прва дама.