Волци нападнаа стадо овци во делчевското село Бигла
Делчевските ловџии велат дека во вакви ситуации со посебни дозволи се прават хајки на волци, кои биле чести во изминатиот период.
Волци нападнаа стадо овци во подножјето на делчевското село Бигла.
-Нападот се случил во раните утрински часови. Нападнатите овци ги најдов денес во близина на стадата и цела среќа е што дивото животно успеало да изеде само две од овците. Не сум сигурен дали бил еден или повеќе волци, вели сточарот Антон Антовски.
Делчевските ловџии велат дека во вакви ситуации со посебни дозволи се прават хајки на волци, кои биле чести во изминатиот период.
-Ловот сега е во мирување и ваквите случаи на хајки на волци ќе ги направиме при првата поволна прилика. Она што сега согласно законот сме должни да го направиме е да извршиме прихрана за дивечот, за да не дојде до вакви ситуации, велат ловџиите.
Последната прихрана пред една недела ја извршија ловџиите од Македонска Каменица, а слична активност планира и ловното друштво „Острец” од Делчево.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот