Војводина го донесе првиот европски трофеј во српскиот ракомет по 22 години
Ракометарите на Војводина го освоија ЕХФ-Купот откако во финалето го совладаа норвешкиот Нербо со 25:23 и така со вкупни 56:46 ја освоија титулата.
Војводина го започна натпреварот со предност од седум голови од првиот дуел, а денес само ја потврди фаворитската улога и заслужено стигна до престижниот ЕХФ трофеј.
Домаќините за нијанса го отворија подобро натпреварот и имаа предност од три гола, но Војводина до паузата успеа да се врати, па на полувремето на семафорот стоеше 10:10.
Во второто полувреме видовме поинаква слика на теренот и работите почнаа да се вртат во корист на гостите од Србија. Домаќините немаа сили за некоја поголема серија за да ја надополнат негативата од првиот дуел, па пред крајот српскиот тим ја потврди победата.
Кај Војводина најефикасни беа Пукоски со седум и Азис со шест погодоци, на спротивната страна Теодор Свенсгард постигна осум гола.
Ова е важен момент за српскиот ракомет затоа што е прв европски трофеј по цели 22 година.