Премиерот на Ерменија Никол Пашинијан изјави денес дека по барањето на војската да поднесе оставка, го сменил шефот на генералшабот Оник Гаспаријан. 

Претходно Генералштабот на оружените сили на Ерменија побара оставка од Пашинијан и предупреди да не применува сила против народот, пренесува РИА новости.

Пашинијан претходно изјви дека барањето на војската за негова оставка е обид за државен удар.

Ова барање на војската за смена на Пашинијан доаѓа еден ден откако претседателот Армен Саркисијан на предлог на Пашинијан го смени првиот заменик на шефот на Генералштабот Тиран Хачатиријан, кој според извештаите во медиумите ги исмејал зборовите на премиерот на Владата за ракетниот систем „Искандер’.

Протестите и барањето за негова смена доаѓаат по воениот конфликт лани меѓу Ерменија и Азербејџан, што заврши со примирје. Тој денес излезе со своите приврзаници што се собраа во Ереван.