Американскиот војник Џон Гонсалвес, стациониран во Германија за време на Втората светска војна, испратил писмо до својата мајка во Масачусетс, а истото било доставено дури 76 години подоцна.

Џон го испратил писмото на 6 декември 1945 година, по официјалниот крај на војната.

„Драга мајко, денес добив уште едно писмо од тебе и среќен сум што слушнав дека сè е во ред. Што се однесува до мене, добро сум. Но, што се однесува до храната, најчесто е прилично лоша“, напишал тој во писмото.

Писмото по 76 години го примила неговата сопруга Анџелина Жан Гонсалвес. Писмото било препратено од поштата во Питсбург и адресирано до мајката на Џон Гонсалвес, исто така наречена Анџелина, која одамна починала.

Џон бил повикан во армијата во 1943 година и таму поминал три години. Починал пред шест години, а со Анџелин поминал 61 година во брак. Неговата вдовица открила дека се запознале пет години откако тој ѝ го испратил писмо на мајка си.

„Не можам да верувам. Неговиот ракопис и сè, неверојатно“, изјавила вдовицата за „The Washington Post“, која вели дека писмото изгледа како поздрав од небото.