Разрешениот економски директор на Клиниката за гинекологија Ватон Бела, денеска до Јавното обвинителство поднесе четири нови кривични пријави за стручната директорка Викторија Јовановска.

– Пријавите се за кривично дело злоупотреба на службена должност и овластување заради тоа што директорката на раководни функции назначила лица без соодветно образование. Јас сакав да ги разрешам, но тоа беше невозможно, бидејќи функционираме со врзан потпис со другата директорка, а таа не потпишуваше – вели Бела.

Кривичните се однесува на главната медицинска сестра, раководителот на сметководство, раководителот на финансии и раководителот на човечки ресурси.

Бела рече дека со кривичните е опфатено и тоа што директорката фаворизирала фирми при исплатата на побарувањата што ги имаат од Гинекологија.

Разрешениот директор и претходно поднесе една кривична за Јовановска која се поврзува со набавка на тестови за анализи на крв на клиниката.