„Војна на цитати“ во Албанија, Љуљзим Баша со изјава на Зоран Заев се огласи на Твитер (ФОТО)

Топ Чанел

По изјавата на претседателот на Демократската партија на Албанија, Љуљзим Баша, дека со неотварањето на преговорите Европа го одби Еди Рама, а не Албанија и оти неговата земја според примерот на Македонија треба да оди на предвремени избори, албанскиот премиер му „отвори војна“ со цитати на лидерот на тамошната опозиција.

Рама на неговиот профил на Фејсбук преку целиот вчерашен ден објавуваше фотографии со цитати на претседателот на Европскиот совет, Доналд Туск, на италијанскиот премиер Конте, на германската канцеларка, Ангела Меркел наспроти фотографијата на Баша. Тој и денеска продолжи да го цитира Жан Клод Јункер.

На истиот начин на Рама му возврати и неговиот политички противник Љуљзим Баша. Но тој избра да цитира изјава на нашиот премиер, Зоран Заев за предвремените избори по одлуката за неотварањето на преговори.

Лидерот на албанската опозиција на Твитер објави фотографија на македонскиот премиер на која стои и неговиот цитат на албански јазик: „Организирање на фер предвремени избори. Избори на кои вие граѓаните ќе донесете одлука и потврда за патот по кој треба да продолжи нашата земја”, стои на објавата на Баша.

PA KOMENT

Publiée par Edi Rama sur Lundi 21 octobre 2019

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот