Војна на Барселона и Јунајтед за ист тренер – Слободен печат
СпортФудбал

Војна на Барселона и Јунајтед за ист тренер

Двата фудбалски гиганти веќе ја планираат замената за своите тренери.

Барселона не влезе најдобро во новата сезона, забележа пораз на отворањето и имаше уште неколку киксеви по што започнаа приказните за можна смена на тренерот Ернесто Валверде кој едвај ја „преживеа“ и ланската елиминација во полуфиналето од Ливерпул во ЛШ.

По четири натпревари во новата сезона во Ла Лига, Барселона има само две победи и се наоѓа на петтото место, а вчера одигра 0:0 на гостувањето кај Борусија Дортмунд во првото коло од ЛШ.

Според „Гардијан“, Валверде не би требало да ја преживее сезонава и веќе во јануари идната година се очекува да добие отказ. Според весникот, главен фаворит за негов наследник е сегашниот тренер на ПСЖ, Томас Тухел.

Раководството на Барселона се надева дека со евентуалното поставување на Тухел за тренер ќе успеат во тоа што не го реализираа ова лето, да го вратат Нејмар на „Камп Ноу“. Тухел моментно му е тренер на Бразилецот во ПСЖ. Освен Барселона, голем интерес за услугите на Тухел пројави и Манчестер јунајтед.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close