9.2 C
Скопје

Воглавно желбите се Кил, ПСЖ, Барса, но овој Данец сака да игра за Вардар!?

Една интересна вест ни доаѓа од Данска во која се вели дека тамошна голема ракометна надеж има сон да игра на Балканот. Станува збор за 19-годишниот Симон Питлик (лев, среден бек), инаку син на прославениот тренер Јан Питлик.

Моментно овој играч ги брани боите на данскиот клуб ГОГ Гудме со кој успеа да постигне седум голови (втор стрелец) во минималната победа против Еурофарм Пелистер минатиот месец на домашен терен во Лига Европа. Исто толку погодоци имаше и во поразот кај швајцарскиот Кадетен, а осум гола во поразот од Рајн Некар Левен.

Данските медиуми веќе го поставуваат прашањето дали има некој од врвните европски клубови, на пример од Лигата на шампионите, кој би сакал да го ангажира овој талентиран Данец.

Прочитајте и...  РК Металург: Треба сите клубови да ѝ помогнат на македонската репрезентација

Воглавно желбите на ракометарите се да настапуваат во Бундес лигата, за Кил, Флензбург, или пак во Франција или Шпанија, како ПСЖ, Барселона, но интересно Питлик има поинаков одговор:

– Јас како и голем број на дански ракометари сонуваат да играат во странство. Но, јас имам поинаков сон од другите. Сакам да играм за балкански клуб. Тоа е нешто за што многу размислував. Фасциниран сум од стилот на игра што го имаат на Балканот. Значи, додека другите сонуваат за Германија и Франција, јас сонувам да дојдам на Балканот за неколку години – вели Питлик.

Овој нетрадиционален сон како што го нарекуваат Данците доаѓа од периодот кога Јан Питлик во 2015 година беше ангажиран како тренер на македонскиот голем женски ракометен клуб кој тогаш имаше амбиции да ја освои титулата во ЛШ.

Прочитајте и...  Ристовска: Лазаров уште утре би можел да биде селектор на Македонија!

Младиот Питлик од блиску ги следеше тие мечеви, и возбуден од атмосферата која се создаваше на трибините во Спортскиот Центар „Јане Сандански“ – Скопје.

Фото: РК Вардар

– Бев долу, ги гледав како играат навистина ме фасцинираше атмосферата и начинот на кој играа. Јас навистина живеев во тоа кога бев момче и го доживеав тоа. И од тогаш тоа е голем сон – додаде играчот на ГОГ Гудме.

Секако поради ситуацијата со ковид-19 спортските натпревари кај нас се играат без публика, здравјето како и секогаш е приоритет, а се надеваме дека наскоро ќе се вратат навивачите на трибините, а во овој случај се врати и онаа препознатлива одлична атмосфера која ја прават „Комити“ и верните фанови на Вардар 1961 во СЦ „Јане Сандански“ и го прават еден од најжешките терени во Европа.

Прочитајте и...  Роналдо одбил понуда од шест милиони евра годишно

Поврзани вести

РК Металург: Треба сите клубови да ѝ помогнат на македонската репрезентација

Слободен печат

Работнички со прва победа во зимскиот подготвителен период

Слободен печат

Гечевски: Не се откажуваме од Јакимовски и од Вајли

Благоја Георгиевски

ВИДЕО: Арсенал елиминиран, ФА купот ќе има нов шампион!

Слободен печат

Ристовска: Лазаров уште утре би можел да биде селектор на Македонија!

Слободен печат

Георгиевски: Мора да бидеме подобри на дуелот против Белорусија

Слободен печат

Остави Коментар