Воените оркестри на АРМ, Грција, САД, Велика Британија и Словенија ја свиреа химната на Северна Македонија
Со интонирање на химната на Северна Македонија и на НАТО, воените оркестри на нашата Армија и Армиите на Грција, САД, Велика Британија и Словенија одржаа сојузнички концерт во чест на Денот на НАТО.
Министерката за одбрана Радмила Шекеринска на почетокот на концертот рече дека задоволството е големо што на ваков начин се одбележува 70 – годишнината на Алијансата.
– Навистина ми причинува задоволство што денеска на ваков начин можеме да го славиме денот на НАТО, но и денот посветен на нашите, сега веќе, успешно реализирани амбиции. Заедно сме секогаш посилни – порача Шекеринска.
Припадниците на здружениот оркестар, по интонирањето на химните продолжија со изведба на впечатливи композиции од репертоарот на оркестрите на 5-те армии.