Воените аташеа на САД и Канада ги посетија премините Јариње и Брњак на северот на Косово

Воените аташеа на САД и Канада ги посетија премините Јариње и Брњак на северот на Косово со цел подобро да се запознаат со ситуацијата на терен, објави Американската амбасада во Белград.

„Тие беа среќни што видоа дека КФОР е на лице место како фактор на стабилност“, објави Амбасадата на САД на Твитер.

Претходно денеска, мисијата на КФОР потврди дека го зголемила бројот и времетраењето на рутинските патроли низ Косово, а особено на северот.

Денес, осми ден по ред, Србите од северот на Косово ги блокираат патиштата кон премините Јариње и Брњак, преку кои може да се помине само пеш. Тие го започнаа протестот на 20 септември, кога владата во Приштина испрати специјални полициски сили во Јариње и Брњак за да ја спроведат одлуката за замена на српските регистарски таблички.

Поради ситуацијата на северот на Косово, Армијата на Србија е во состојба на зголемена борбена готовност, а нејзините борбени авиони во изминатите три дена во повеќе наврати ја надлетуваа областа во близина на преминот Јариње. Припадниците на српската армија денеска се два километри од Јариње.

Извор: Н1

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот