Борбени авиони на НАТО по вторпат оваа недела пресретнаа руски воени авиони во близина на естонскиот воздушен простор, соопшти британското воено воздухопловство (РАФ).

Во вчерашната операција учествуваа британски и германски ловци, кои пресретнаа руски авиони недалеку од естонскиот воздушен простор како дел од операцијата за заедничко чување на воздушниот простор на источното крило на НАТО. Ова е втор ваков настан оваа недела.

Два борбени авиони „Тајфун“ пресретнаа руски воен транспортер „Ту-134“, по што следеа два руски ловци „Су-27 Фланкер“ и „АН-2“, воен транспортен авион, соопшти РАФ.

Ваквото пресретнување не е нетипично, но заедничката операција за чување на небото се случува првпат во соработка меѓу два сојузници на НАТО, Германија и Велика Британија.

РАФ ја опиша операцијата како „јасен сигнал дека Британија, Германија и другите членки на НАТО стојат покрај Естонија во овие напнати времиња“.