Водата за пиење во Тетово е исправна и безбедна за користење, информираат од Центарот за јавно здравје. Миркобиолошките анализи се негативни.

– Се врати во вообичаената бистрина водата за пиење со 0.4 и 0.5 НТУ мерна единица за матност, а негативни се и микробиолошките анализи кои се чекаа од понеделникот. Микробиолошките анализи покажаа исправност, односно дека нема присуство на бактерии. Во понеделникот кога се констатираше матноста имаше резидуален хлор и да имало бактерии хлорот реагирал. Матноста е индикатор дека е нешто лошо може да се случи и затоа беше препораката за да не се пие, соопшти денес д-р Ратко Давидовски, специјалист по хигиена и здравствена екологија.

Анализите се од примероци земени од чешми приклучени на стариот водоснабдителен систем. Новиот систем кој има и филтер станица има сензори кои кога ќе утврдат матност го прекинуваат дотокот на вода во водоводната мрежа.

– Во системот имаше доток од само 150 литри, па се се качи на 310 и вчера падна на 270 литри вода во секунда, денес и на 250 литри. Врнежи во планинина кај извориштата е причина, вели д-р Давидоски.

До денеска препораките беа водата да се не користи за пиење освен ако не се преврие. Поради заматеноста достигна високи 11,1 НТУ мерни единици за матност.