Состојбата со поплавата во Гостивар која вчера предизвика штети на повеќе домови во гостиварското село Беловиште, а под вода беа и гостиварските населби Бањешница и Циглана, денеска е стабилизирана.

Жителите кои ги бројат штетите, велат дека до поплавувањето дошло откако по интензивните врнежи од дожд се излеала вода од канал за наводнување, но и од шахтите кои нередовно се чистат.

И вчера и денеска екипи на ЦУК и пожарникари од гостиварската противпожарна единица интервенираа на терен, со испумпување на водата, која веќе е повлечена. Обилните врнежи предизвикале и помали одрони на земјиште.