ВО ЖИВО: Во експлозијата во Бејрут загинаа најмалку 30 луѓе, а над 3.000 се повредени

Според либанската телевизија ЛБЦИ, хоспитализирани се над 500 луѓе, а десетици лица ќе бидат оперирани. Медимите јавија дека некои од болниците не се во состојба да примат повеќе пациенти.

Претседателот на Либан, Мишел Аун итно свика состанок на Врховниот одбранбен совет по големата експлозија што го потресе Бејрут, додека премиерот Хасан Диаб најави дека утре ќе биде ден на национална жалост поради големиот број на жртви.

Либанскиот министер за здравство Хасан Хамад изјави дека во експлозијата загинале најмалку луѓе, а околу 3.000 се повредени во експлозијата што се случи во бејрутското пристаниште, во близина на центарот на Бејрут.

Директорот на либанскиот Црвен Крст, Жорж Кетанех изјави дека се уште не е познат точниот број на повредени, бидејќи голем број на луѓе се под урнатините на куќите.

Пожарот предизвикан од експлозијата се уште не е изгаснат.

Според либанската телевизија ЛБЦИ, хоспитализирани се над 500 луѓе, а десетици лица ќе бидат оперирани. Медимите јавија дека некои од болниците не се во состојба да примат повеќе пациенти.

Прочитајте и...  Уапсени и мигранти и шверцери во Словенија

Експлозијата предизвика уривање на терасите на зградите, кршење на прозорците и друга материјална штета и предизвика огромен облак прашина и чад.

Според либанската државна новинска агенција ННА, експлозијата се случила во градското пристаниште, каде се сместени магацини со експлозив.

Според неименувани безбедносни извори експлозијата се случила во магацин за хемиски супстанци.

Претходно, дел од локалните медиуми објавија дека инцидентот се случил каде се сместени магацините со пиротехнички материјали.

Во меѓувреме, францускиот шеф на дипломатијата Жан-Ив ле Дријан на Твитер напиша дека „Франција секогаш е на страната на Либан и на либанскиот народ”.

Тој истакна дека Франција е подготвена да пружи помош во зависност од потребите на либанските власти.

Исто така и Грција и Кипар понудија помош доколку е потребно и изразија жалење и сочувство до Владата на Либан.

Прочитајте и...  Судири на протестот за легализација на абортусот во Мексико Сити

Министерството за надворешни работи на Грција соопшти дека земјата „е подготвена да им помогне на либанските власти со сите средства што ги има на располагање”, додека пак претседателот на Кипар Никос Анастасиадис преку официјалниот Твитер профил изрази подготвеност за било каква неопходна помош.

И иранскиот министер за надворешни работи Мохамад Џавад Зариф понуди помош за Либан.

– Нашите мисли и молитви се со големиот и силен народ на Либан, напиша Зариф на Твитер, додавајќи оти Иран „како и секогаш во целост е подготвен да ја пружи целата неопходната помош”.

Погледнете ги и страотните снимки  од луѓето во Бејрут кои ги споделуваат на социјалната мрежа твитер, направени во моментите кога се случија двете експлозии.

СТРАОТНИ СНИМКИ ОД БЕЈРУТ, небото се затемни, луѓето преплашени: Најмалку 30 загинати и повеќе од 500 повредени (ВИДЕО)

Прочитај повеќе

Мавровско се дави на суво!

Борел до Димитров: Бидете уверени во мојата посветеност на интегранција на Северна Македонија во ЕУ

Слободен печат

Студентите се „гужваат“ на факултетите за упис на семестар: Не се почитуваат мерките за заштита од ковид-19 (ФОТО)

Михаило Донев

И фирмите што работат со државата останаа со куси ракави

СЗО: Милион смртни случаи од Ковид-19 е многу тажен биланс

Слободен печат

Царовска: Онлајн наставата може да се следи и со стари компјутери (ВИДЕО)

Остави Коментар

Прочитај повеќе

Нови 112 случаи на коронавирус, осум лица починаа, 159 пациенти се оздравени

Слободен печат

ВО ЖИВО: Прес-конференција на Битиќи и Шахпаска за дел од економските мерки од четвртиот пакет

Слободен печат

Вучиќ: Нема српско оружје во судирот меѓу Ерменија и Азербејџан

Марина Дамческа

Алексиќ: Спроведувањето на Јанкулоска во „Идризово” е надвор од секоја законска процедура

Слободен печат

Русковска: За евентуално обвинение за надоместоците во СЈО би почекале уште еден ревизорски извештај

Лука Андреев

Фетаи не е задоволна од пресудата за „Шамарите во Центар“