ВО ЖИВО: Стотици луѓе на погребот на Џорџ Флојд во Хјустон

epa08476056 Family members stand up and react as the Rev. Al Sharpton gives the eulogy during the funeral for George Floyd at The Fountain of Praise church in Houston, Texas, USA, 09 June 2020. A bystander's video posted online on 25 May, appeared to show George Floyd, 46, pleading with arresting officers that he couldn't breathe as an officer knelt on his neck. The unarmed Black man later died in police custody and all four officers involved in the arrest have been charged and arrested. EPA-EFE/Godofredo A. Vasquez / POOL

Џорџ Флојд во целиот свет стана симбол на жртвите на расизмот и полициското насилство во САД.

Погребот на Џорџ Флојд се одржува денеска во Хјустон, Тексас, 15 дена откако при приведување во Минеаполис беше убиен со притискање на колено врз вратот од страна на полицаец белец, поради што низ САД и низ светот избија протести против расизмот и полициската бруталност.

Џо Бајден испрати порака преку видео линк

„Кога ќе има правда за Џорџ Флојд, ќе бидеме на вистинскиот пат кон расна правда во Америка, рече демократскиот претседателски кандидат Џо Бајден во видео порката која е прикажана на служба во црквата.

Тој во понеделникот го посети семејството на Џорџ Флојд и изрази сочуство.

„Не можеме повеќе да се вртиме на расизмот кој ги ранува нашите души“; рече поранешниот потпретседател од мандатот на Барак Обама, оддавајќи му почит на 46- годишниот Афроамериканец.

„Поради што во оваа земја премногу црни Американци се будат наутро со помисла дека би можеле да умрат само поради тоа што го живеат својот живот?“ запраша тој во видеото.

Говори одржаа и повеќе демократски конгресмени, проповед одржа и борец за граѓански права

Повеќе демократски конгресмени говореа во црквата Fountain of Praise во Хјустон, давајќи му на испраќањето и политичка нота, а проповед одржа и борецот за граѓански права, свештеникот Ал Шартптон.

„Ова е повеќе од момент во времето, ова е движење кое влијае на целата наша епоха“, рече тексашкиот конгресмен Ал Грин.

Околу 500 луѓе се собраа на испраќањето кое се одржува по комеморацијата недела во Минеаполис, каде Флојд е убиен, и Редфорд каде што е роден.

„Сега е момент да се слави неговиот живот“, рече пасторката Миа Рајт во црквата.

„Можеби ќе плачеме и тагуваме, но ќе најдеме утеха и надеж“, додаде таа.

Флојд симбол на жртвите на расизмот во САД и секаде во светот

Џорџ Флојд во целиот свет стана симбол на жртвите на расизмот и полициското насилство во САД.

Ковчегот со телото на 46-годишниот Афроамериканец, кој беше убиен на 25. мај во Минеаполис, беше изложен во понеделникот во оваа црква во Хјустон, градот во кој го поминал поголемиот дел од својот живот. Околу 6.000 луѓе му оддадоа почит во таа пригода.

На испраќањето се повикани и мајката на Ерик Гарнер, њујорчанец кој исто така е убиен во полициска интервенција, како и семејстовото на Ахмауд Арбери, 25-годишник од Џорџија кој е убиен во февруари при џогирање.

Ковчегот на Џорџ Флојд потоа ќе биде префрлен на блиските гробишта каде ќе биде закопан покрај својата мајка, која починала пред две години.

Градоначалникот на Њујорк Бил де Бласио рече во вторникот дека градот ќе преименува пет улици во „Black Lives Matter“, а њујоршката берза одржа 8 минути и 46 секунди молк, токму колку што траеше зафатот над Џорџ Флојд.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот