ВО ЖИВО: Почна протестот на ВМРО-ДПМНЕ против поскапувањето на струјата
Пред Министерството за правда започнаа протестите кои ги најави лидерот на ВМРО-ДПМНЕ, Христијан Мицкоски, а се одржуваат против покачувањето на електричната енергија.
Во моментот присутни се поголем број на граѓани, како и полициски службеници кои го одржуваат редот за време на протестите. Демонстрантите, кои носат знамиња и исвиркуваат се очекува да маршираат до седиштето на Регулаторната комисија за енергетика, каде се очекува протестот да заврши.
На протестот можеа да се забележат повеќе функционери на ВМРО-ДПМНЕ, меѓу кои и лидерот, Христијан Мицкоски, но и Владо Мисајловски и Александар Николоски.
Демонстрантите извикуваа и „оставка“ и „мафија на робија“, а на главниот банер пишуваше „скапа струја, сиромашен народ“.
Видете како изгледа протестот во живо:
ВО ЖИВО – ПротЕсти поради покачувањето на струјата
Publiée par Sloboden Pecat sur Mercredi 9 septembre 2020