Во втората половина на мај се враќа Бундеслигата!
Фудбалерите во најсилното германско првенство прво мора да бидат во карантин 14 дена пред официјално да се вратат на терените..
Претходно се дозна дека и натаму нема „зелено светло“ за продолжување на сезоната во најсилното германско фудбалско првенство, сега доаѓаат нови информации. Фудбалот се враќа во Германија, се најавува дека натпреварите ќе продолжат во втората половина од месец мај.
Германската канцеларка Ангела Меркел во состанокот со шефовите на 16 германски сојузни покраини разговараше за попуштање на мерките кои се донесени поради пандемијата на коронавирус.
Се согласи за мечеви без публика на трибините, но и натаму не се знаат официјалните датуми кога ќе продолжи сезоната. И натаму останува 15 мај како можен датум играчите да се вратат на терените, но и 22 мај се нуди како опција.
Breaking: The Bundesliga season will be allowed to resume in the second half of May pic.twitter.com/OD64mTESNH
— Bleacher Report (@BleacherReport) May 6, 2020
Веќе се прават тестови за коронавирус, а фудбалерите прво мора да бидат во карантин 14 дена пред да се вратат на терените. Односно во тој период мора да тренираат и живеат (вклучувајќи ги и сите вработени во клубот) одвоено од своите семејства.
Во една од бундеслигашките екипи, Вердер Бремен, се загрижени доколку сезоната продолжи на 15 мај поради недоволната подготвеност и физичка форма кај своите играчи. Германците меѓу првите во Европа кои започнаа со тренинзи во групи уште од почетокот на април и со тек време го зголемуваа интензитетот на тренинзите, како и бројот на луѓето во групи.
Бундеслигата беше прекината на 11 март, во моментот кога Баерн беше лидер на табелата со четири бодови повеќе од Борусија Дортмунд.