Во Велес заврши дводневиот ИПАРД Форум
Во Велес заврши дводневниот ИПАРД Форум на кој претставниците од Телото за управување со ИПАРД фондовите, Министерството за земјоделство, шумарство и водостопанство и АФПЗРР разговараа за мерката 7 „Диверзификација на фарми и развој на бизниси”.
Повикот е отворен и трае до 18 ноември, со кој на земјоделците во земјава им се ставени на располагање 16,6 милиони евра, како и за советодавната улога на Агенцијата за поттикнување на развојот на земјоделството.
Како што информираат организаторите, досега од ИПАРД Програмата се искористени 19 милиони евра, а до крајот на годинава се очекува да се искористат дополнителни 8,7 милиони евра.
Тие појаснуваат дека најпопуларната мерка од ИПАРД Програмата 2014-2020 е мерката 7 „Диверзификација на фарми и развој на бисниси” чиј повик за заинтерсираните земјоделци е отворен и трае до 18 ноември. Со него на располагање се ставени 16,6 милиони евра.
Инаку вакви едукативни инфо денови за ИПАРД програмата се одржаа и во Сопиште, Петровец, Берово, Пехчево, Дојран, Негорци, Белчишта и Охрид.
Кампањата за Публицитет на ИПАРД 2014-2020 продолжува на 25 октомври во Калиште и во салата на Општина Вевчани.