Во Велес во февруари 20 дена со средно дневни концентрации на ПМ-10 честички над максимално дозволените
Мерната станица Велес 2 на МЖСПП, лоцирана во градинката во населба Тунел во Велес, во текот на февруари, мерејќи неколку параметри за квалитетот на воздухот, дури 20 дена регистрирала средно дневни концентрации на опасните ПМ-10 честички над максимално дозволената концентрација од 50 микгрограми на метар кубен воздух.
Според податоците на МЖСПП, највисоката средно дневна концентрација од 116,61 микрограми на метар кубен воздух била регистрирана на 6 февруари,а на 5 февруари биле 108,028 микрограми на метар кубен воздух. Високи средно дневни вредности од 115,415 микрограми на метар кубен воздух биле измерени на 2 февруари.
Како што појаснуваат експертите по екологија, тоа значи дека во пооделни часови во текот на овие денови концентрациите на опасните ПМ-10 честички биле и далеку над средно дневните и во многу им го згарозувале здравјето на граѓаните.
Најниски измерени средно дневни концентрации биле во периодот од 8-15 февруари, а најниска средно дневна концентрација од 22,513 микрограми на метар кубен воздух биле регистрирана во изминатата недела на 28 февруари.
Според експертите по екологија, најголем причинител на загадувањето на воздухот и нарушување на неговиот квалитет во екот на грејната сезона било затоплувањето на домаќинствата и фирмите,но и издувните гасови од автомобилите и неповолните временски услови.